गोरबो इसिँनिफ्राइ -17 Poem by Ronjoy Brahma

आय' मादि माया इसोरनि
सिमां-मोकथां
गोमोरदोँ आरो जोँखांफिनदोँ
फुंनि समाव बारग्लांदोँ
गेवलाङै बिबारा
-
आरो-
सान हाबनायजोँ लोगोसे
सिरिलांदोँ
गेवलांनाय बिबारा
आय' ओँथि दं बिनि
-
लोगो दंमोन आं एमाव गोलांनानै
हरखाब आबौआ गोमालांबाय
अब्ला हुगारदोँ आय
आरो गोबांआ मेगननि मोदै
-
बुजिस'वा बिनि माया
सानस' हाया गोहो बिनि
हरखाबै गोदानै जोनोम
बाजैनि गोरबोआव
अब्ला खुसिजोँ बुंफबबाय
आय आरो बाजैनि जिउआव
-
लोगो बेनो नामा जिउ?
बायदि मैया गाबनाय-मिनिनाय
दिनै थैदोँ गाबोन फिन गोदान जोनोम जादोँ
-
आय' बेनो नामा जिउ
हरनाय सोरजिनि दान
ओँथि दं लोगो मिनि
लोगो सोमो गोनां सोरजिनि।