गोरबो इसिँनिफ्राइ- 174 Poem by Ronjoy Brahma

सोमखोर मिथिँगानि बिफांनि सेराव
थोँनै आथिँजोँ गसंनानै
आं लामायाव नोँखौ नायहरो
आं नोँखौ खुलुमहरो
-
जोँमा अन्नायजोँ बुंनाय गोरबो
दुंबुर दुंबुर खुदुमनाय
लाबो जिउनि लासै फैनानै
गिरि नोँखौ अनसायो आं
-
सोरांजोँ दुंबुर गलिनाय
होफै थुफ्लं आंनि गोरबो
गोफार नोँनि गोजोँ थुंग्रिजोँ
दिनै बिखा फाथिना होगोन खुसियै
-
गसाइ नोँ आंखौ खादो
जेरै खारग'नो हाया नोँखौ बावनानै
नोँजोँ आंजोँ सान आरो हराव
नोङो लोगो खालामदो गावनि
-
गसाइ अन्थाइ जानाय बिखायाव
गलियै गलियै दादो गोदानै सनानि जिउ
समायना नोँनि लामायाव
दिनै आबुं खालामदो सोरांजोँ
-
फुंनि लांगोनायाव लोरो लोरो
गसाइ मावग्लुबना थायो गसंनानै
आंनि थोँनै आथिँखौ नोङो फोरादो
गिरि नोङो आंनो फोरोँदो।
-
11/01/2016
गामियाव