गोरबो इसिँनिफ्राइ- 194 Poem by Ronjoy Brahma

बे समाव आंनि देरासिम
सफैबाय नोँ लोगो
बेसेबा खुसि बेसेबा सोरांजोँ
नेनानै दंमोन सिबिआबुं आंनि गोसोआ
-
लोगो आंनि हाबायाव
लोगो आंनि फरायनायाव
आंनि गोरबोआव था
आंनि बिखायाव था
-
आंनि हाबायाव नायबाय था नोङो
बिफांनि बिलाइ बिलाइ
मिनिसुला मिनिनानै खुसियै
नोँखौ अनसायगोन दिनै
-
लोगो नोँखौ साबाय होयो
लाबोबाय नोँ सोरांखौ
लाबोबाय नोँ मेथाइखौ
नैबे मुलुग मिथिँगायाव
दाउसिननि गोदै गारांआव
-
आंनि थाबाय लांनाय जायोब्ला
थादो आंनि लोगोआवनो
बेसेबा आबुं थुलुंगा जानानै
गिनायखौ जेरै गिया गोसोआ
-
बे समाव आंनि देरासिम
सफैबाय नोँ लोगो
बेसेबा खुसि बेसेबा सोरांजोँ
नेनानै दंमोन सिबिआबुं आंनि गोसोआ
-
लोगो नुनायखौ होबाय नोङो
रंजानायखौ होबाय नोङो
थाबायनायखौ होदो दिनै
होदो दिनै फरायनायखौ
-
दिनै नोङो थुलुंगा जादो
दिनै जिउआव थादो
बेसेबा खुसि बेसेबा सोरांजोँ
दिनै आंनि आगानखौ बोलांदो
-
14/05/2016
गोजोनफुरियाव