गोरबो इसिँनिफ्राइ -20 Poem by Ronjoy Brahma

मिथिया आं आफा
सिबियो आं नोँखौ
यज्ञ सालियाव आर'ज गाबना
गोहो सोमजि होदो
आफा आंखौ
नोँनि गुमुर नोँनि गेलेनाय
आंनो गियान सोमजि होदो
-
लोगो नुनाय मानि
दंनाय मानि
गासिबो नोँनिनो
आं बेखौल' मिथिगौ
आङो
-
नै रजे जिउनि गासैबोनो
मिथिगौ बिगोमा गासैबोनि
लोगो नोँ बयनिबो गोरबोनि
जिउ थांना थानो नोँ होयो
-
नै गसाइ नोँखौ खुलुमो
नोँखौनो गले गले गाबज्रि
जेराव दं आंजोँजोँनो दं नोङो
लोगो आंनिनो जिउमा नोङो
-
मिनिनाय आंनि नोँनो
गाबनाय होनाय नोँनिनो
नोँनि गासैबो
जा दं आंनि नोँनो गसाइ
लोगो नोँनो जिउ आंनि
-
मिथिया जाम्बानि गंग्लायनायखौ
नोँनो नुयो लोगो बेखौ
गियान नोँनो होदो आंनि
गसाइ थांनायाव फैनायाव थादो
नोङो थादो लोगो जानानै
-
मेथाइआव नागिरबायो
देँखो बोना गारांजोँ
गसाइ नोङो आंजोँ फैदो
आंजोँनो अरायसम थाबाय थादो।