गोरबो इसिँनिफ्राइ -42 Poem by Ronjoy Brahma

हाद्रि खुनाय दिनै मिथिँगायाव
गोमादोँ आंनि गासै
मिजिँ हाबिला
साननाय बुजिनाय गोमादोँ
फारि फारि
-
आंनि गोरबोआव गैया
जोँनाय सोरां
गैया हानाय सान्नो मोजां
नै गसाइ गैया जोँनाय सोरां
-
बिनि थाखायनो हांख्रायदोँ दिनै
मोननो जुनै बोर
आफानि
आखाय आगदाजोँ आफा
खाफालाव आंनि
-
गोमालांथोँसै थौले मेलेमनि
साननाय गोरबोनि
गोसोनि
लुफावदो उजिगासे गोरबोआव
मिजिँ थार हाबिला
गियानजोँ
-
राहा गैया आरोबाव
गैया हास्थायनाय मिजिँक
नङाबोला गैयाबोला
आफा गशाइनि
होनाय जिउ
सास्रिनाय खाफालाव बोर
-
फोजोबस्रांदो आफा आंनि
गासै अहंकार
गासै दुथां
हांख्रायनाय आर'ज गाबनाय समाव
ज'ना नोँखौ सिबिनाय
यज्ञ सालियाव।