गोरबो इसिँनिफ्राइ- 87 Poem by Ronjoy Brahma

बे आर'जआ जेब्लाबो रिङो गोरबोआव
बेखौबो खोनाया जाबाय खोमायाव
थाखोमा हायै लाजिनायाव
सिरि सिरि रिङो गोरबोआव
-
मादि लाजिसुलि गोसोआ
मिथिनो हाथारा जाबाय फेरलेब गोरबोआ
आर'जखौ आंनि आर'जखौ गिरि
गोबां गोजोनग्लायनायजोँ आजावदो
होदोल' आंनो सम मोनसे सोरां
-
नोँखौ खुलुमनो सिरि गोथार
एखनबा आं बावो
एखनबा नेवसियो
बेनि फिनखौ नोँ होदो गिरि
लुबैख्लाबनाय दिखारखौ होदो साजायाव
-
गसाइ बे आर'जखौ आजावदो गोजोन्नायजोँ
गसाइ नोङो लोगो आंजोँ थादो
जिउ जिउ लोगो जानानैनो।
-
05/10/2014
गोजोनफुरियाव