गोरबो इसिँनिफ्राइ -88 Poem by Ronjoy Brahma

जिरायफैबाय दिनैनि यज्ञनि आर'जआव
गोजोननायमानि जिउआव हास्थायनानै
मेँग्लिना दं आं गिरि आर'जआव
बेनिनो सुफुंनाय हास्थायो गोजोन्नायखौ
-
मैया मैया गाबखांदोँ आर'जआ
फोरमायो फोरमायो गिरिनो
गोजोन्नायनि लुबैनाय मिसायदोँ आर'जआव
गोरबोआव निजोरा बोहैयो सोदोबफ्राव
-
आय' अबं लुबैनाय ओंखारो खुगायाव
सोदोबनि माला सुज्राय सुज्राय
बिजिरफ्ले जानाय गोथार मिजिँआव
हार्थखि जोङो खोमसि लामायाव
-
नै अबं होन्नानै आर'ज गाबो
खुगायाव रिँखाङो बिदै महराव
बारजोँ बिरदोँ सोदोबा
बेखौनो नोँनि खोमायाव गोग्लैदोँ
-
गसाइ बुंथारो आं फिसा होन्नानै
गासैबो गासैनिबो गुदि नोँनो होन्नानै
आय' आर'ज रिङो नोँनि खोमायाव
-
नै आफा अबं गाबो दुखुआव
रंजानाय बिरबायो खुसियाव
मिथिगौ मिथिगौ नोँथाङा बेखौनो
-
आर'ज गाबो सोरां खोमसियाव
बेखौनो हास्थायो गोरबोजोँ
हाबाब आफा हो हो बेखौ आंनो
बुंथारो आर'जआव दिनै गोरबोआ।
-
23/10/2014
सालगुरियाव