teray chehray pay mein gul rang nazaaray dekhun
muskurati hui aankhon mein sitaray dekhun
maand na hon kabhi chehray pay khushi ki kirnen
teri nazron mein hama waqt sharaaray dekhun
yeh dua he teri raahon mein bhanwar na ho koi
teri nao ko mein darya k kinaaray dekhun
teri khatir mein Khuda say yeh talab karti hun
jis qadar dost bhi dekhun wo tumhaaray dekhun
apnay bandhan pay kabhi bhi na koi aanch aey
iss jahan ko teri chahat k sahaaray dekhun
raat andheri ho ya pheli hui mahtab shaben
aasman per teri taqdeer k taaray dekhun
jis dagar per teray jaanay ka guman ho jaey
uss dagar ko na kbhi khof k maaray dekhun
teri aamad ka pata inn se hi lug jata he
mein badaltay hue mosam k ishaaray dekhun
azal say behtey huay jharnon ki maanind Batool
dosti k sada behtay hue dharay dekhun...
Wah urdu me bhi likti hayn ap! Bohot mashallah khoob nazm hay yar behen.
Yeh ek bahut achi aur khoobsoorat ghazale musalsal hay. Bahut pasand aai.
aapi, ye ek achi ghzal hy, jis ka nam Dua hy. Positivity plus friendship plus best wishes is equal to Dua.
This is a cute DUA showing your true feelings for your friend and presenting you as a true loving friend. apnay bandhan pay kabhi bhi na koi aanch aey iss jahan ko teri chahat k sahaaray dekhun It's heartwarming and extremely exhilarating! ! ! azal say behtey huay jharnon ki maanind Batool dosti k sada behtay hue dharay dekhun... lovely! ! ! :)
boht khob sis.. Us Zaat ke rehmto se muzain rahe teri zindagi.. koyal ke tarah hmesha tjy chehchate deko...aamin..
This poem has not been translated into any other language yet.
I would like to translate this poem
bahoot khub. bahut sunder.