बि सिख्लाआ एखेबारे अरखि
आजां-गाजां समायना बिनि महर-मुस्रि
लुखार-लाखार जोमैखौसिन्थाइ दद्र होबाय
माने बियो सेल्पी लागोन
...
सोर्गो होननाय खोनाबा थैफ्रामलायग्रा सुबुंफोरनि बिखायाव
रंनि रं गाबनि गाब रं बेरं; बरं सोमोनांथाव सिमां-हामां
बेबादिखौ नुनानै लामायाव मुगासे मोननाय फाग्लाया मिनियो
मिनियै मिनियै सिरि थायो आरोबाव गोदानै जुरिफिनो
...
खोथाखौ बबेनिफ्राइ जुरिनो आरो माबादियै सानो आं
बिखौ लोगो मोनदोंमोन आं; आंनि साखाथि-फाखाथि
थेवबो आंनि गुसुथिआ बोरसियाव दिन्दौनाय नानि खौगाबादि जादोंमोन
थेवबो आं बिखौ मिनिहां मिनिदेरहां जानानै नायदोंमोन
...
बे बिसिनाखौ बियो
गरसे गुलि गावगारनानैसो मोनदों
गावथारदों थाम्फैखौ गावथारनायबादि गोदो गोदो उनदुनो होननानै
नाथाय उनदुनो हायाखै बियो
...
जेब्ला आं किंग कंगनि सावथुन नायो
अब्ला किंग कंगनि राजा जानो लुबैयो आं
जिबौ हमग्रा जानो लुबैयो
डिसकभेरीनि चेनेल नायोब्ला
...
मेलेमाव रोदोमनाम जायराब बंफांफोराव
दाउसिनफोरा बासा बोयो गुस्थिजों रुंग'लाङो
बेसेबांबा बासा बोयो आरो रुंग'लाङो
मेथाइ रोजाबनायनि उनाव मेथाइ हांमा-दाहा सुखुनि
...
उरि गांफौफोरा एम्बुनि खौगायाव
बारसन फैनायबादि
सोर्गोनिफ्राइ बिरबोआ ओंखामनि मोदोमनाय
ओखामा जोंनि उदैनिफ्राइ खारखोमाबाय थायो
...
उदाङै बिरनाय दाउसिनखौ हमनो हास्थायोब्ला
गांखं थुनानै बिरनो रोंनांगोन,
आखाय फोलावसेयावबो मोनाखिसै आं नोंखौ
साथा-माथा बिरलांबाय नों जोमै एबा फागुन जानानै।
...
सोमखोर मिथिंगा आरो सोमखोर गोरबो बयनिबो
बयबो मोसादों गुस्लायनाय महराव
बिफां-लाइफांनि बिलाइ
...
आं खोथिया बुदां जानानै
दाबो राङि दामो,
आंनि बखिग्रा खन्थाइगिरि गोरबोआ
नोंनि, आरो नोंनि थाखायनो।
...