Akhtar Jawad

Gold Star - 38,652 Points (8-2-1945 / Gorakhpur)

Ghazal-Woh Jo Bas Peyaretthey Ab Peyar Hhuwe Jate Hain - Poem by Akhtar Jawad

Aur hain koi jo sarshar huwe jate hain,
Hum to bas yun hi gunahgar huwe jate hain.
Bebasihaye muhabbat ke mile gham jinse,
Wohi monis wohi gham khawar huwe jate hain.
Irtaqa ishq ka keya jane khilae keya gul,
Wo jo bas peyare they ab peyar huwe jate hain.
Tumne acha na kiya meri tamanna keyun ki,
Aaj hum apne talabgar huwey jate hain.
Jism ke ghao to bhar sakte hain lekin aiy dost,
Rooh ke zakhm giranbar huwe jate hain.
Jan aur dil tabahi to koi cheez na thi,
Apne afkar bhi beemar huwe jate hain,
Itni arzan to nahin jins-e-muhabbat yaro,
Lo yeh Akhtar bhi khareedar huwe jate hain.


Poet's Notes about The Poem

An old Urdu ghazal.

Comments about Ghazal-Woh Jo Bas Peyaretthey Ab Peyar Hhuwe Jate Hain by Akhtar Jawad

  • Gold Star - 18,455 Points Ramesh Rai (8/20/2015 8:59:00 AM)

    Jism to beek gayee nas jaan aur abroo rah gayee varna hum bhi raaste ka patthar ban kab ka thukraye jaate.Thanks for sharing. Regards. (Report) Reply

    1 person liked.
    0 person did not like.
  • Bronze Star - 2,649 Points Khalid Saifullah (1/8/2015 2:54:00 AM)

    Zabardast nazm hay..................10 (Report) Reply

  • Bronze Star - 2,649 Points Khalid Saifullah (1/8/2015 2:54:00 AM)

    Zabardast nazm hay..................10 (Report) Reply

Read all 3 comments »



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, April 18, 2014

Poem Edited: Saturday, April 19, 2014


[Hata Bildir]