Goodmen Lukhanyo NONKELELA

Goodmen Lukhanyo NONKELELA Poems

Goodmen Lukhanyo NONKELELA Biography

I'm a young Xhosa guy who is passionate and proud of his own language. I'm a poet- I write & present them(poems) .)

The Best Poem Of Goodmen Lukhanyo NONKELELA

Niye Niphila Nabuya Niphila

NIYE NIPHILA, NABUYA NIPHILA.

Ah! Nto zikaSomgxada!
Itshw'ingoma; 'Somgxada siwelile...'
KukwaXhosa apha!
Kulo mzi, amadod'adod'ubudod'obudodiweyo angegwaba
Ulwazi luyalalazela kulo mzi
Uphosiw'umrhaji ngokomkhulu
Nasabela, nawombatha
Nibezizo izilo zehlathi
Niyinyamezel'iqabaka yobusika
Niyinyamezel'iqabaka yehlobo
Niwagobil'ameva ngezithende zenu
Iimbambo zenu nazontywilis'emanzin'edama eband'enjalo
Niloliwe ngamakhankath'enu nifundiswa ubudoda
Niwantlontil'amanqalath'enu niwafundisa ukukhalipha
Nilunyamezel'ulwamvila lwesisithethe esilulwaluko
Ligwetyiwe ixesha lokuhlal'ehlathini
Oonozala becel'ukubuliselwa koonyana babo bebhongo
Aphumile amadoda asing'entabeni eyokunikhulula kweso sikolo samadoda
Nivela ngobuqu ngoku
Athotyiw'amaxhala kumazibazana
Itshw'entla imiyiyizelo
Iwisiwe inkomo
KunguMbo nomXesibe emzini kaNdoda, kuzobhiyozwa
Sibamba ngazibini kumanqalathe
Sibamba ngazibini kwingcibi
Sibamba ngazibini kwikhankatha
Sibamba ngazibini kuQamatha
Ze nenze ngokweziyalo
Ze ningasidanisi
Ningazibizi ngamadoda, nenze ubudoda
Ngooban'amagam'enu amatsha kuba ningabatshakazi ngoku?

Ndegram!

Goodmen Lukhanyo NONKELELA Comments

Goodmen Lukhanyo NONKELELA Quotes