Kitso Mafora Poems

Motsoga-pele o fela a re 'Madi a Kgaogantšwa ke Thipa', eupša phihlelo ya bophelo e nthutile gore le mothopo wo o tsepamego o ka pšha ge o retetšwa ke phišo ya go hloka tebogo. Le ge kgomo e sa latswe namane e šele, nna ke mo tšeere e sa le lenao le le nanyago, ka kholofelo ya gore ka ge thupa e kobja e sa le meetse, e tla re go gola, ya ba more-mogolo sebipa ‘tšatši le fišago. Ke tšhetše moko wa ‘phelo bjaka ka gare ga marapo a gagwe a ma nanana, ka ba kotse ya gagwe le mofepi, ke dula ke gopola gore motho o buna seo a se bjalago.

Boseeng bja gagwe, ke ile ka ke ntšha sehlabelo. Ke ile ka se le kokonele dihlong ka ba ka fihla lerapong, ke tseba gore pula ga e nele motho o tee, gomme ka kgetha go ba moriti wa gagwe. E be e le thaka ya leihlo laka, ka mo šireleditša dipuleng le diphefong tša bophelo. Le ge ke be ke dumela gore ngwana ke wa mohlakanelwa, eupša ka boikgantšho, ke ile ka leka go ba motse ka moka go yena. Ka abelana le yena bogobe bjaka le diphiri tšaka, ke re ka ge ke mmeile tlas'a diphego tšaka, ke aga segwera se tiilego seo se ka se senywego ke nako.
...

Mea Culpa
Mea Culpa

This mirror reflects the image
...

Ke nna kgopana mmona 'sedi mokakeng wa kgomo e hlaba Letsoalo la mma fefera o mphe leselo bana ba letše ka tlala maleng.

Ke magoga ka boima mo hwetša mokwana wa bophelo marageng, ka ge bo-phiri go phela ba šapo le thata, ngwana e motona kabelwa manong. Gape mogale, nnete yena o tšwa maroleng.
...

O ile o homotše bjalo ka mmutla wa mošate,
Wa tšwa ntle le lešata, wa sepela bjalo ka phefo ya masa.
Lebati ga lea tleruma, moya ga se wa foka,
Ke šetše ke le noši—setung sa lešata la masetlapelo.
...

Phošo ya ka, ke yona!

Seipone sa bohlale se ntšweletša nyanyeng —
Ke leihlo la Ngwedi, le ntlhoma ka lešata la kgopolo,
...

Ntsikiditle! Ntsikiditle!
Ha! Ha! Ha! Ha... Mokgotse wa ka, lentswe la khutšo!
Ge lefase le nkwela godimo, o a ntshwaraganya,
Bjalo ka rojana la bupi leselong, o ntšholla leuba ka lerato.
...

Madibana o sepela bjalo ka pula ya matšatši,
O kokobela bjalo ka kgomo e sa ntšhe lerumo,
O rwala borena ka seatla se boleta —
'Mohumagadi ga a ikgantšhe ka kobo ya gagwe.'
...

Lehu le ba tšere ka khutšo le seriti, ra šala re swere diphofa sello sa kgopolo,
"Le ge malapa a išitše mahlaku ka dithito, " ba ile ba tlogela lešaka le lebotse.
Ba be ba sepela ka maatla, ba kokobetše bjalo ka "letšoba mesong",
"Mokgoši wa tšwa mošate", ba latela ka boikokobetšo.
...

Phuphu ma-maregan'a Tlhapeledi,
Lekgwa Mesong, magodimo a hlohlola semana sa lefsifsi.
Thaba tša Moletjie le Chuene di apere kobo ya maru-maso,
Thaba-mošate e homotše, e eme bjalo ka segakwana sa khutšo.
...