ଦା ଆଉ ଦଉଡି Poem by Gajanan Mishra

ଯୋଉ ତଫାତ ଅଛି
ଦା ଆଉ ଦଉଡି ଭିତରେ
ଛତା ଆଉ ଛତୁ ଭିତରେ
ସେଇଟା ଅଛି କି?

କରତ ହେଉ କି କଦଳୀ,
ରସୁଣ ହେଉ କି ରସମଲାଇ,
ସବୁକୁ ମାଛ ହିଁ ପାରେ ଗିଳି
କେମିତି ପାରିବି ତୁମକୁ ବୁଝାଇ!

ହାଟକୁ ଗଲି ଯେ
କଣ କଣ ଦେଖିଲି
କେମିତି କହିବି ଆଉ
କହିଲେ ବି ତମେ କୋଉ
ବିଶ୍ୱାସରେ ଯିବ କି!

ଅଳପ କଥାରେ
ଗଳପ କହି
ଠିଆ ଏଠି ଯିଏ
ବୁଝେଇବି ସେଇଟାକୁ
ନାହିଁ ଶକତି।

ପାଠଶାଳା ବହୁତ ଦିନରୁ
ଛାଡି ସାରିଛି।
ଆଉ ଏବେ ଚଣା ଚୋବେଇବାକୁ
ନାଇଁ ଦାନ୍ତ।

ବଜାଅ ତବଲା,
ପଡୁ ଉଠୁ ଖଳା।
ଅକଲରେ ନକଲ ମିଶାଇ
ତମେ ଯୋଉଠି ଫଶିଛ
ସବୁ ଜାଣିଛି ସେ ଗଛ।