नेपाली कविताः—मेरो आँखाकेा नील सागरमा Poem by Tulsi Shrestha

नेपाली कविताः—मेरो आँखाकेा नील सागरमा
नियालेर हेर, यी मेरा निच्छल आँखाहरुमा
तिम्रो प्रतिविब्म सुरक्षित छ, प्रिय त्यहाँ ।
प्रेम मंन्दिरको व्दार ती हुन्, बूझ तिमी यहाँ
माैन परिवेश भित्र पूर्ण शब्दकोष छ जहाँ ।

मेरो चंचल नयनको तिखो वाणले
को छ र, घायल नहुने यो जगतमा यहाँ ।
गृष्मकालीन ताप सब सेलाउन्छ
मेरो परेलाकाे शीतल छहरा माझमा ।

अधरको मुस्कान भन्दा मनमोहक मेरा
ती नील महासागरका दुई विम्बहरु ।
पिएर हेर प्रिय, मदीरा मेरो मादक आँखाकाे
अघाउदेेैनो कहिले तिमी, चेतना गुमाएपनि ।
डूबेर रमाऊ प्रिय तिमी, तिलस्मी यो सागरमा ।

नयन मेरो उदगम स्थल, त्यो प्रेम गंगाको
ममताको प्रतीक भई, सदा बहन्छ त्यो ।
सब सगार एक भई उर्लन्छन्, हेर है
आक्रोशित भई दिन्दा, ती नेै मेरा नयनहरु ।
सहस्त्र ज्योति प्रज्वलित हुन्छ, ती मेरा नयनमा ।