बैसागोआ एमब्रायैनो थांबाय Poem by Swrji Basumatary

हुम-हुम हाम-हाम, दुम-दुम दाम-दाम,
सिउ-सिउ, ज्राम-ज्रामयै
फैदोंमोन नों बैसागो
बेसेबा रंजालियै,
बयनिबो गोसोआव
लोगोसे रंजानाय होना;
नाथाय बैसागो
स्नि दिन जा-रंजानि उनाव
बयबो नोंखौ बिदाय होनायाव
नों अखाफोर मोनसेनि फैदोंमोनब्लाबो
दिनै सिमब्रे-सिमब्रायै थांनांबाय।
मा खालामनो बैसागो?
आथिखालआ जे गोदोनि नंला,
आथिखालआव जे गोदोनि बादि मोनलिया,
ओंखायनो बैसागो
नों थांनांबाय सायराबयै
फैनायनि बादि उफ्रा देंखोजों
जोंखौबो लोगोसे दावदाबनि देंखो बोहोना।