ଜଳକ୍ରୀଡା
ଚୁପ୍,
ନିରେଖି ଦେଖିବାକୁ ହେବ
ଚାଲିଛି କେମିତି କୋଉଠି
ଜଳକ୍ରୀଡା ।
ଜଳମୟ ପୃଥିବୀ,
ଜଳମୟ ଦେହ,
ଜଳ ଜଳ ହିଁ କେବଳ,
ଜଳ ଜଳ ହିଁ ଜୀବନ ।
ଜଳ ପାଇଁ ଯୁଦ୍ଧ,
ଜଳ, ଜଳ ପାଇଁ ଶାନ୍ତି ।
ଜଳତିଳ ତର୍ପଣରେ
ପିତୃପିତାମହ ଯାଆନ୍ତି ଉଦ୍ଧରି ।
ଦିଅ ଜଳ,
ମଣିଷକୁ ମଣିଷ ।
ବନ୍ଦ କର ଦେବା ଜଳ
ଆଉ କର ନଷ୍ଟ
ମଣିଷପଣିଆ ବିରୋଧୀର ବଳ ।
ଜଳ, ଜଳ ହିଁ କେବଳ
ଶିଖାଇବ ମୁକ୍ତିର କୌଶଳ ।
ଚାଲୁରଖ ଜଳକ୍ରୀଡା,
ଚାଲୁ ରଖିଥାଅ ।
This poem has not been translated into any other language yet.
I would like to translate this poem