କୋଉଠି ଓଡିଶା? Poem by Gajanan Mishra

କେତେ ଭାଗ
କୋଉଠି ଓଡିଶା?
ପଚାରିଲା ମତେ
ବାଙ୍ଗାଲୋରର ଓଲା
କାର୍ ଡ୍ରାଇଭର ଚେନ୍ନାପା ।
କହିଲି ଯୋଉଠି ଜଗନ୍ନାଥ,
ସେଇଠି ଓଡିଶା ।
ଜଗନ୍ନାଥ!
ହ୍।ଟ ଇଜ ଦେଟ?
କଣ କିଛି ପାରିଲି ନି ବୁଝି
କଣ ବୋଲି ବୁଝାଇବି
ବାଇଶି ତେଇଶି ବର୍ଷର
ଗୋଟେ ପିଲାକୁ ।
କହିଲି, ବେ ଅଫ ବେଙ୍ଗଲ କୂଳରେ
ଜଗନ୍ନାଥ ମନ୍ଦିର, ସେଠୁ ଆରମ୍ଭ ଓଡିଶା ।
ଆଇ ସି, ହିୟର ଇନ ବାଙ୍ଗାଲୋର
ଆଇ ସି ଟେଂପୁଲ ।

ପୁଣି କହିଲା, ଅଣ୍ଡରଷ୍ଟୁଡ
ଦ୍ୟାଟ୍ସ ଓଡିଶା ।
ଜୟ ଜଗନ୍ନାଥ କହିଲି
ଗୁଣୁଗୁଣେଇ ଗୁଣୁଗୁଣେଇ ।
ଏଣ୍ଡ ଲାଙଗୁଏଜ?
କହିଲି, ଓଡିଆ ।
ବୁଝିଲା କିଛି, କହିଲା-
ଗ୍ରେଟ, ଆଇ ନୋ,
ଓଡିଆ ଆର୍ ଦେୟାର
ଉଇଦ ଜଗନ୍ନାଥ ।
ବଟ୍ ଓଡିଶା ।
କହିବାକୁ ପଡିଲା
ଅଲ ଓଭର ଦ ଗ୍ଲୋବ ।
ବୁଝିଲା କଣ କିଛି
କହିଲା ଓକେ ଓକେ ।
ବୁଝିଲା କିଛି ଆଉ
ମୁଁ ହଜି ହଜି ଗଲି
ଜଗନ୍ନାଥ ଭିତରେ
ଓଡିଶା ଆଉ
ଓଡିଆ ବାହାରେ ।