ବଡବଡିଆ Poem by Gajanan Mishra

ବଡବଡିଆ
ଆସ ହୋ ଆସ,
ଦେଖ ଆମକୁ ।

କୁଳାଙ୍ଗାର କହିବ ଯଦି
କହିପାର ।

ଯୁଆଡ ଯିବାକୁ
କରୁଛ ଇଚ୍ଛା
ଯାଇପାର ।

ଯାହା ଯେତେବେଳେ
ଖାଇବାକୁ ମନ
ଖାଇ ନିଅ ।

ମୋକ୍ଷ ଅମୃତ
ଭୁଲିଯାଅ ।

ଭୁଲିଯାଅ ଆଲୁଅ,
ଭୁଲିଯାଅ ଆମେ ତୁମର
ପୁଅ ଝିଅ ।

ପାଣି ପବନକୁ
ଆମର ନାହିଁ
ଆଉ ବିଶ୍ଵାସ ।

ତୁମ ଭାଷା
ଲାଗୁଛି ଆମକୁ ବିଷ ।

ବଡବଡିଆ ହୋ,
ନଈରେ ନାହିଁ ପାଣି,
ସମୁଦ୍ର ଖାଉଛି ଉଜାଣି ।

କେତେ ସମୟ ରହଣି,
ପାଶୋର ହେଲାଣି ।

ଆମକୁ ଆଉ କିଛି କହ ନି,
ମା, ମାଟି, ମାତୃଭାଷା ପ୍ରୀତି
ଖୋଜିଲେ ଆଉ ପାଇବ ନାହିଁ