ଆସ, ଆମେ
ଜାଳୁଛୁଁ ଦୀପ ।
ଦିଶୁଛି ବାଟ,
ଦୀପ ଜଳିବା ଭିତରେ
ଯାଅ, ଆଗେଇ ଯାଅ
ଆଲୋକମୟ ବାଟରେ ।
ଆଲୋକ ପର୍ବ ଏଇଟା ଆମର
ଆଉ ଆମେ ଆକାଶକୁ
ଅନାଇ ରହିଛୁଁ
ସ୍ତ୍ରୀ ତୈଳ ବର୍ଜନ କରି
ମତ୍ସ୍ୟ ମାଂସ ବର୍ଜନ କରି
ପାଣି କଖାରୁ ବର୍ଜନ କରି ।
ଶୁଦ୍ଧପୂତ ମନରେ ଦେହରେ
ଆମେ କରୁଛୁଁ ଆବାହନ ।
ଏଇ ଆଲୋକରେ
ମିଳୁ ପରମ ଗତି ତୁମକୁ ।
ଏଇ ଆଲୋକରେ
ହେ ପିତୃପୁରୁଷଗଣ, ତୁମେ
ନିଜେ ପ୍ରାପ୍ତ ହୁଅ ଉଜ୍ଵଳ ଗତି ।
This poem has not been translated into any other language yet.
I would like to translate this poem