ଜେତକି ବେଲତକ୍ Poem by Gajanan Mishra

ପୁସ ହଉ କି ଫଗୁନ
ଜମରା ଜେ ନି ଖାଏ
ହେଟା ନି କହେବ ।

ତାକତ୍ ଦେଖାବାର ଭି
ନି ନ କିଛୁ ।
ବାଘ୍ ଭାଲୁ ଜେନମାନେ
ଅଛନ୍, ହେମାନେ
ବଦଲେଇ ଲାଗିଛନ୍
ରୁପ୍ ।

ଆସୁନ୍ ବଲବାରଟା ନେଇଁସେ,
ଜଉନ୍ ବଲବାରଟା ଭି
ନି ନ ଅଧିକାର୍ ।
ଦୁଖ୍ ସୁଖ୍ ର
ନି ନ ଖିଆଲ ।

ହେଲେ ସନମାନଟିକେ
ଜାହାକେ ଜେନଟା
ମିଲବାରକଥା ନେଇଁ ମିଲଲେ
ଲାଗସି ଦୁଖ୍ ବଲ ତ

ହେଟା ଭି ଆମର ଆଏତେ
ନାଇଁ ନ ଜାନିଛୁଁ ଜଦର ଭି ।
ଜାନିଛୁଁ ସମିଆର ଖେଲ ସବୁ ।

ଫେର ଭି ତ, ଅଛୁଁ ।
ଅଛୁଁ ଭାଏଦଦା ବଲାବଲି ହେଇକରି
ଆରୁ ଅଛୁଁ ଜେତକି ବେଲତକ୍
ହେଟା ନ ଆମର ସବୁ ।