ସକାଲ ପାଏଲେ କାଣା କରୁଛ?
କବିତା ଲିଖୁଛେଁ ।
ଦିହିପହରେ କାଣା କରୁଛ?
କବିତା ଲିଖୁଛେଁ ।
ରାଏତ ହେଲେ କାଣା କରୁଛ?
କବିତା ଲିଖୁଛେଁ, ଲିଖୁଛେଁ ।
ତମେ କବି ଆଏ ହେନ୍ତାହେଲେ
ସବୁ ଦେଖିପାରସ ସବୁ ଜାନି ପାରସ
ତୁମକେ ଜୁହାର ବୁଆ ଜୁହାର ।
ତୁମେ କବି ଆଏ
ଭିତରିଆ କାଦୋ ପାରସ ସଫାକରି
କହେସ କହିପାରସ ସଭକେ ଭାଇ ଭାଇ
ଜଗିଥିସ ଘରଘାଟ ଅଏନ କରି ।
ତୁମେ କବି ଆଏ
ଆଇଛୁଁ ତମର ପାସକେ
ନୁଆଁଖେଇ ପୁସପୁନିର
ସାଜସଜା ଜୁଗରେଇ
ଆଇଛୁ ତମକେ ମୁଡିଆମାରି ।
ଭଲେ ଭଲେ ଜଉ ଇ ଆଗଲା ବଛର ବୁଆ
ହସିଖୁସିଥି ଥଉନ ସଭେ ସବୁଠାନେ ।
ମୋର ବଲବାରଟା କାହାରିର ପାସେ ନି ଥଉ କିଛୁ ।
ମା ମାଟି ମାତୃଭାଷାର ଜୟ ଜୟ ହଉ
ତମର ସୁଭକାମନା ଆମରଲକେ ଆସୁ
ଆସୁଥଉ, ଆସୁଥଉ, ଆସୁଥଉ ।
This poem has not been translated into any other language yet.
I would like to translate this poem