ସତରେ ଦେଉଛି
ହଜେଇ ହଜେଇ
ମୋ ଶବ୍ଦ ମୋ ସ୍ୱର।
ଆଉ ଚାରିଆଡେ
କଳରୋଳ ମାତ୍ର।
କେତେ କଣ ନ ରଖିଛି
ଏ ସମୁଦ୍ର ଏ ଅନ୍ଧାର!
ମୁଁ ମୋ ନିଜ ଭାଷାରେ
କହି କହି ଚାଲିଛି
ଯାହାର ନାହିଁ ଅନ୍ୟରୂପ।
ଆନନ୍ଦ ହେଉ କି ବିଷାଦ
ସବୁ ସବୁ ଅସହ୍ୟ।
ସହଜ ଚିତ୍କାରରେ
କାମ ଚଳେ ନା ଯଦିଓ।
ଗୋଟିକ ପରେ ଗୋଟିଏ
ବଦଳି ବଦଳି ଚାଲିଥାଏ
ଏଇଠି ଏମିତି ଯୋଉସବୁର
ନ ଥାଏ ଅନ୍ତ ।
ବିବ୍ରତ ହେବାର
ନାହିଁ କାରଣ।
ନିଜଠୁ ନିଜକୁ
ଦୂରେଇ ରଖିପାରିଲେ
ସ୍ପଷ୍ଟ ଝଲସେ ଝଲସୁଥାଏ ସ୍ୱପ୍ନ।
This poem has not been translated into any other language yet.
I would like to translate this poem
Life in dreams, great write