ଅଛି ଆଉ କଣ ବା
ଦୁନିଆଯାକର ଦୁଃଖ ଛଡା
ମୋ ପାଖରେ!
ମୁଁ ତ ମୋ ଶବ୍ଦଙ୍କୁ ବି
ସାଇତି ସଜାଡି ପାରି ନି ରଖି
କି କହି ପାରି ନି ମୋ ରାସ୍ତାକୁ
ଆରେ ହେ ଭଲରେ ଭଲରେ
ଯା ଯାଉଛୁ ଯୁଆଡେ।
ରଡି ଚିଲ୍ଲାଇ କହିଛି ଯାହାସବୁ
ଆକାଶକୁ ବୃଥାରେ
ଜାଣେ ଯେ ଆକାଶର
କାନ ଇ ନାଇଁ।
ନିଦରୁ ହଠାତ୍ ଉଠି
ବାଉଳି ହୋଇଛି
ଜାଣି ନ ପାରି ଆରମ୍ଭ
ଆଉ ଶେଷ କୋଉଠି କୋଉଠି।
ମିଛେ ମିଛେ ହସିଛି
ଆଉ ସତ କାନ୍ଦକୁ ଦେଇଛି
ଲୁଚାଇ ଅଭିନୟର ଚାରୁଚିତ୍ରରେ।
ନିଦକୁ କହିଛି ଥାରେ ଥା
ମୋ ଇଲାକାରେ ଶାନ୍ତିରେ।
This poem has not been translated into any other language yet.
I would like to translate this poem
Life is full of sorrows, true