ସମୟ ପଡିଲେ, ମିଛ କହିବାକୁ ପଡେ ବେଳେବେଳେ ।
କିନ୍ତୁ ମୋର ଜନ୍ମ ଏକ ବ୍ରାହ୍ମଣ ଘରରେ, ମୋ ଜେଜେ ପଠାଣିଙ୍କ ଜନ୍ମମାଟି
-ବ୍ରଜସୁନ୍ଦରପୁର, ବୃନ୍ଦାବନପୁର ବ୍ରାହ୍ମଣ ଶାସନରେ - ଏହା ନୁହେଁ ମିଛ ।
ମୋ ମାଙ୍କ ଭାଷା ସରକାରୀସ୍ତରରେ ଓଡିଆ କହିଲେ ଚଳିବ,
କିନ୍ତୁ ସ୍ଥାନୀୟ ଭାଷାରେ କୁହାଯାଉଛି କୋସଲି,
ଯାହାର ସମ୍ବିଧାନ ସ୍ଵୀକୃତି ଜରୁରୀ ।
ଓଡିଶା ସରକାର ଏହି ଭାଷାକୁ ଯେତେ ଶୀଘ୍ର ସରକାରୀ ଭାଷା ଘୋଷଣା କରିବେ,
ଏକ କୋଟିରୁ ଅଧିକ ଲୋକ ସେତେ ଖୁସି ହେବେ ।
ମାଙ୍କ ଭାଷାରେ ପ୍ରାଥମିକ ଶିକ୍ଷା ଦେବାକୁ କହୁଛି ଭାରତୀୟ ସମ୍ବିଧାନ,
ମାନିଲେ ହିଁ ହୋଇ ପାରିବ ମାନବିକ ସମ୍ବଳର ବିକାଶ ।
ବିଶ୍ଵାସ ମୋର - ପୃଥିବୀ ଗୋଟିଏ, ଜନ୍ମରୁ ମୃତ୍ୟୁ ଜୀବନ ଗୋଟିଏ,
ମାଟି ଗୋଟିଏ, ଆକାଶ ଗୋଟିଏ । ପବନ ଗୋଟିଏ, ପାଣି ଗୋଟିଏ ।
ଆଉ ଜୀବ ମାତ୍ରେ ରହନ୍ତି ୟା ଭିତରେ ଅତଏବ ଜୀବ ଗୋଟିଏ ।
ବିଶ୍ଵାସ କରେଁ ଧର୍ମରେ ଯାହାକୁ ମୁଁ କହେଁ ପ୍ରେମ ।
ପ୍ରେମ ଥାଏ ସତ୍ୟରେ ଯାହା ଜୀବନ ।
This poem has not been translated into any other language yet.
I would like to translate this poem