1.
ପାଣି ଯିବ କେଉଁଆଡେ
ଜାଣିବ କିଏ?
ପୁଣି ଆସିବ ପାଣି କେମିତି
ଜାଣିଛ ଯଦି, ଆସ
ଆଉ ବସ ଚକାମାଡି
ମୋ ଛାତି ଉପରେ
ଆଉ କହ ଆରେ ହେ
ଏତକ ପାଇଁ ଏତେ ଯୁଦ୍ଧ ଏଠାରେ ।
2.
ଦେଖ, ଦେଖ,
ଆଉ କଣ କଣ ଅଛି ଦେଖ ।
ଦେଖି ସାରିଲା ପରେ ଅବଶ୍ୟ କହିବ
କଣ ଦେଖିଛ, ଆଉ କୋଉଠି ଦେଖିଛ,
ଆଉ ଦେଖି କଣ କରିଛ,
ଆଉ କରି କଣ ପାଇଛ ।
3.
ଥାଏ କିଏ? ଥାଏ କୋଉଠି?
ଥାଇ କଣ ଦେଖିପାରେ ପୂରା?
ପୂରା କଣ? ମାନେ ନା ମନ
ଆଉ ଧାଏଁ ଦେଖିବାକୁ ପୁଣି
ଆଉ ଆଉ ଆଉ କୋଉଠି
କଣ ପାଇଁ କେଜାଣି
ଜଣା ନାହିଁ ଜମାରୁ।
This poem has not been translated into any other language yet.
I would like to translate this poem
life and lifestyle and mystery