ہم سب اولادِ آدم ہیں Poem by Hafiza Ifra Javed

ہم سب اولادِ آدم ہیں
جنت سے آئے ہیں
جنت میں ہی جانا ہے
جنت ہی ہمارا ٹھکانہ ہے

اک جہدِ مسلسل کرنی ہے
اک سفرِ مسلسل کرنا ہے
محبوبِ رب کی اطاعت کر کے
رضائے رب کو پانا ہے
جنت سے آئے ہیں
جنت میں ہی جانا ہے

اک دن سب کو چھوڑ کر
چپ چاپ کفن کو اوڑھ کر
دُنیا سے رُخ موڑ کر
دارالجزا میں جانا ہے
جنت سے آۓ ہیں
جنت میں ہی جانا ہے

اے خاک خود کو جھنجوڑ کر
نفس اپنے پر غور کر
اس فانی کو چھوڑ کر
پھر اُس باقی میں جانا ہے
جنت سے آۓ ہیں
جنت میں ہی جانا ہے

اے خاک رب کا تو ذکر کر
اپنی آخرت کی فکر کر
کہ یہ زندگی اک سفر ہے
دُنیا مسافر خانہ ہے
جنت سے آۓ ہیں
جنت میں ہی جانا ہے
1 march 2020 5: 52 pm
Written by
Hafiza Ifra Javed Islaam