ମାହାଲିଆ ମହରା Poem by Gajanan Mishra

ମାହାଲିଆ ମହରା
ଗଜାନନ ମିଶ୍ର

ନେ ନେ
ମିଲୁଛେ ମାହାଲିଆ,
ପି, ଖା।
ଦେ ଦେ
ବଲୁଛୁ ତ ହର୍ମିଶା ।

କେନୁ କେନଟା
କେନ୍ତା ଅଉଛେ
ନି ପଚରା।
ତୋର ଘର ବାଏର
ଉଜଡାଲିଁ କି ଗହନା ପକାଲିଁ
କି ବିକଲିଁ,
ନି ପଚରା।
ଦଉଛେଁ କି ନେଇଁ
ମାହାଲିଆ!
ଆଘୋରୁ କାହାରନୁ
ପାଇଥିଲୁ କେଁ ଏନ୍ତା!
ନେ ନେ
ମିଲୁଛେ ମାହାଲିଆ,
ପି, ଖା।

ନେ ନେ
ପି ମଦ,
ନେ ନେ
ଖା ପିଠା।
ପି, ଖା,
ଆରୁ ସୁଇ ଥା
ଦିନସାରା।

କଥା ମୋର ହେଜି ଥା,
ନେଇଁ ମରମି ଜେନ୍ତା
ଦେଖୁ ଥା,
ମରମି ମରମି
ହେମି ଜେତକି ବେଲକେ
ଶଂଖେ ପାଏନ ପକଉ ଥା।

ମିଲୁଛେ ମାହାଲିଆ
ନେ ଖା ଆରୁ ଥା।
ତୁଇ ଖୁସି ତ
ମୁଇଁ ଖୁସି ଆଏ ବୁଆ।
ତୁଇ କେନ ଆଏ
କେନର ଆଏ
କେନ୍ତା ଆଏ
ହେତିକେ ନେଇଁ କର ପରବାଏ।

ତପୋବନ, ଟିଟିଲାଗଡ, ବଲାଙ୍ଗିର
21/2/2019

ମାତୃଭାଷା ଦିବସ ଆଏ, ସଭକେ ଜୁହାର, ଅପନାର ପରିଚୟଥି ରହୁନ ସଭେ, କେନ ପ୍ରଲୋଭନରେ ନେଇନ ଫସୁନ।