चिनाखँ: —मतिनाया तंरग Poem by Tulsi Shrestha

चिनाखँ ः- मतिनाया तरंग
छन्गु नुगया धुकु धुकुसं
च्वइगु दु स्वः, मयजु
जिगु थगु हे नां ।

छन्गु नुगया देगया दुने
जिगु नांम्ह मत
देछानागु दु, न्हा।

सुथसिया लु निभा या जः
फुक्क मुना, मैंचा, जिं
छन्त उपहार बी ।

छन्गु सौंन्दर्य मोल्हुका वगु
निभाःया लिजः मुना
चुप्पा नये मास्ति वः।

मिखाया प्याचा पु वंकेत
छंगू सौन्दर्यया किपाः
मिखाफुसि दुने कुनें मास्ति वः ।

जिः त लसकुस यायतं
बेनवल सँथु, छंगू स्वः
ज्वजलपा जिगु आगमन!

जिगु नुग लिसा लिसा कया धाइगु
शाश्वत सत्यया खगँ लाः
छंगू मतिनाया प्रतिफल जुयाच्वन ।

ओ, गूँ हे मिंनल, स्वः मैंचा
हिसी दुगु छंगू, मुस्कानया
न्हयू जः खं ।

जिगु चिनाखँया खगँ छ
अले हानं जीवनया
अपरिहार्यता नं छ हे खः ।

जिगु कविताया शब्द जक मखु
अनुप्रासया मिठास नं
मय्जु, छ हे खः ।

जिगु सः या लिजः छ
जिगु म्येया संगीत नं छ
अले लय व तालया उदगम नंः ।

छंगू येचुगु छविया
उपमा बितः जिं
छगु न्हूगु भाषा सिर्जना याये ।

चिनाखँ च्वमि ः- - तुल्सी श्रेष्ठ