चिनाखँ: - हिला वंगु मतिना Poem by Tulsi Shrestha

हिला वंगु मतिनाः ः- -

छन्गु ख्वाः स्वय हें मयो
धाम्ह मैचा ला स्वः
लिफ लिफ स्वयगु याना हल ।
ज्वपिकं स्वैगु व मिखाय दुने
मतिनाया किच लुया वलः।
मखं पह याइम्ह मैचा
तावतः लय दना
पासा पिया च्वम्ह
थ्हे याना हल स्वः ।
म्वासा म्वासा द खनेवं
मुसू मुसू न्हिलिगु
याना हल आला ।
ल्यू ल्यू वयत
मछानं मजुला धाइम्ह मैचा
आ ला थहे मछालिगु
तोता हल न्हाः ।
दः यम्ह ला आ म्हेम्ह हे
दु धाय्व ला ।
आकझाका वः खोया हल
ख्वाः ले बावगु ख्वबि धाः खनाः
जिगु नुगः नं ख्वया हलः ।
ख्या यानागु धायवं ला वं
छें वना न्हाय्कं छक स्वः
छ थज्याम्ह सित सुना येकीं
का धाल हानं स्व.........

चिनाखं च्वमिः- -तुल्सी श्रेष्ठ