വീണ്ടും ജനിക്കുക Poem by JOBY JOHN

എനിക്കു ദാഹിക്കുന്നുവെന്നരുളി
ദൈവത്തിന്‍ ദാനം വെളിപ്പെടുത്തി
ഈ ലോക കാഴ്ചയില്‍ മുങ്ങി മുങ്ങി
നീങ്ങുമെന്നെയും മുന്നില്‍ കണ്ടു
ദൈവസ്നേഹത്തിന്‍ തീനാളമായി
യേശുവെന്‍ മാര്ഗ്ഗമത്തിന്‍ ദീപമായി
ആത്മീയ ജീവനവനേകിയേവം
ആത്മീയമായി വളര്ത്തി യെന്നെ
ഈ ലോക ജീവിതം ശൂന്യമല്ലോ
ദൈവീക സന്നിദ്യമില്ലായ്കയാല്‍
സമരിയ സ്ത്രീയുടെ ലോകമെല്ലാം
ഈ ലോകയാത്രതന്‍ മിഥ്യ തന്നെ
മരണവും ജനനവുമെല്ലാം തന്നെ
ജീവിത ചക്രത്തിന്‍ ഭാഗമല്ലോ
അറിയുക, ദേഹവും ദേഹിയുമേ
ദൈവത്തിന്‍ ഗേഹമതേവം തന്നെ
ഓര്‍ക്കുക മര്ത്യാ നിന്‍ ജീവിതത്തിന്‍
ലക്ഷ്യം ദൈവത്തില്‍ ആയിരിക്ക