गोथां सिमां Poem by Bahadur Basumatary

जोँ दासिमबो बावाखै बिमा
नोँनि गोदै सिमां,
उदांस्रिनि सिमां
आलादा अखोरांनि सिमां।
जोँ बावलांनाय नङा बिमा
नोँनि गोथार सिमां,
थैरोङि हाथरखि अलंबारफोरबादि
जोँ दावगालांगोन
नाख्रेबनाय नासयनायनिफ्राय उदां खालामगोन
मोन्थायखौ जोँ लाबोथारगोन।
दुखु दाखालाम नों बिमा
नोँनि सिमाङा अराय गोथां
सिमां
बे सिमाङा जोँ बयनिबो सैथो सिमां
बे मोन्थाया जोँनि जोनोमनि
बे सिमाङा जोँनि मिथिँगानि।
गोसोखौ लोरबां दाखालाम नोँ बिमा
हाजारखि बारहुंखा सारअन्थाय फैथोँ
बे दावहायाव नोँनि फिसाय जेननानै थायाखै
बे दावहायाव जोँ दाबो खौसे
जेराव नोँनि फिसाफ्रा दाबो हज्रिखावदोँ-
'We want JUSTICE,
We wand HOMELAND,
जै बर हारिनि जै! '