थांनाय बैसागुनि आगान Poem by Bahadur Basumatary

थांनाय बैसागुनि आगान

आं दासिमबो बावनो हायाखै
गारबोनाय बै रंजालि बोसोरखौ
बैसागु बोथोरखौ,
मादि समायनामोन
मा हायना गोनांमोन
बबेबा बोसोरनिख्रुइबो साबसिनथारमोन
बै बैसागुवा
आंनि अन्जिमा गैयै फिननाय।
आरोबाव आं गोसोखांदोँ
आबै-आबौ
आदै-मादै-आयं
आदा-आब, फंबाय-बिनाव
बयनिबो जौ बिदै
दावदै मायरं मागिनाय
उन्दैफोरनि गेदेरखौ खुलुमनाय
देरसिनफोरनि उन्दैखौ बोर सारस्रिनाय
गोदान बोसोरनि गोदान मिथिंगाजोँ
बुहुमा मा एसे समायसारदोँमोन
जोँनि गामिया मा एसे गोसोखांथाव जादोँमोन।आरोबाव आं गोसोखांफिननांदोँ
अन्जालि बिबारि फामि गयस्रि
फावदुरमोनजोँ मोसाफानाय,
सुखु दुखुनि बाथ्रा फोरमायलायनाय
अन्जालिनि आंखौ गुग्रुब खुलुमनाय
बायदि रावजोँ समाय लानाय
लाजिगुसु मिनिखैरो मिनिनाय
दावला खासिजोँ आंखौ थेब्रे जाहोहरनाय
बेफोरखौ आंखि बावनो हागोन?
आं बावनाय नङा सना
बै बोसोरनि बैसागुखौ
थैजासिम बावथारनाय नङा।

Tuesday, July 22, 2014
Topic(s) of this poem: art
POET'S NOTES ABOUT THE POEM
चाटकाप
COMMENTS OF THE POEM
READ THIS POEM IN OTHER LANGUAGES
Bahadur Basumatary

Bahadur Basumatary

India(Assam) , Chirang(Tukrajhar)
Close
Error Success