सोरबाया सोरखौबा लानानै सिमां नुदोँब्ला
साजाहान-ममताजनि ताजमहल
अनलायनायनि गोजोन संसार,
आंबो नोँजोँ सिमां सुजुदोँ
दिनै आरो गाबोनखौ लानानै
थैस'-थांस' सनानि देरा लुनो
रनसायदोँ दोँसे खन्थायमा।
S नोँ आंनि
नोँ आंनि लांदां बिखानि जिव,
आंनि थार हास्थायनायाव
जोँनि जिवबादि अनलायनायखौ
सिखिरिफ्रा जायखि बुङामानो
जेसेखि सुथुर जेँना फैयामानो
बे सिमाङा माब्लाबाबो हाथफ्ला जाया सना
सुजुनाय खन्थाया जोँनि माब्लाबाबो जलांनाय नङा
अरायनि थैरोङै जारिमिनसो जालांगोन।
S नोँ आंनि
नोँनो आंनि जिव
बे संसाराव माबा साबसिन दंब्ला 'नोँनो सना'।
This poem has not been translated into any other language yet.
I would like to translate this poem