ଭୋଟ କଥା About Vote Poem by Gajanan Mishra

ହେଜିବା କଥା
ଗଜାନନ ମିଶ୍ର

ଲୋକେ ବୁଝିବା କଥା
ମଇଳା ପୋଷାକ
ଦେହରୁ କାଢିବା କଥା
କୁହାଁସଢା ଖାଦ୍ୟ
ଫିଙ୍ଗିବା କଥା
ଜାତି ଦ୍ରୋହୀ ଭାଷା ଦ୍ରୋହୀ
ସଂସ୍କୃତି ଦ୍ରୋହୀକୁ
ତଡିବା କଥା।

ନ ବୁଝିଲେ ଲୋକେ
ମରିବା କଥା
ନ ମଲେ ହନ୍ତସନ୍ତ ହୋଇ
ସବୁ ହରେଇବା କଥା
ଏତେ କଥା ଏତେ ବ୍ୟଥା
ସବୁ ସବୁକୁ ମୁଣ୍ଡେଇ
ଆଉ କେଉଁଠିକୁ
ପଳେଇବା କଥା।

କେଉଁଠିକୁ ଯିବାକୁ ହେବ
କହିବ କିଏ ବା!
କିଏ ରହିଛି କେଉଁମତେ
କହୁ ନି ଜମାରୁ
ତାର ଖୁଣ୍ଟରୁ ତଳକୁ
ଆଉ ତଳୁ ପୁଣି ଖୁଣ୍ଟ ଉପରକୁ
ବାରମ୍ୱାର ବାରମ୍ୱାର ଉଡୁଥିବା
ସେଇ ଟିହା।

ଟିହା ଦେଖିଲେ କଣ ହୁଏ
ଆଉ କଣ ହେଲେ କଣ ମିଳେ
କହୁ ନି ସବିଶେଷ ଏଠାରେ।
ଯାହା କହୁଛି ନାଇଁ ସେ କଥା,
ସଭେ ମଦରେ ଭୋଟ ଚର୍ଚ୍ଚାରେ।
ଭୋଟ କଥା କହି ରାଜନୀତିକୁ
ଟାଣିବା ନୁହଁ ଉଦ୍ଦେଶ୍ୟ
ଏ କବିତାର ହେଜିବା କଥା।

ତପୋବନ, ଟିଟିଲାଗଡ, ବଲାଙ୍ଗିର
6/4/2019