ପବନ ଏଠି Air Here Poem by Gajanan Mishra

ଝଲକାଏ ପବନ
ଗଜାନନ ମିଶ୍ର

ଭୁଲି ହୋଇ ଯାଉଛି
ସବୁ କିଛି ପ୍ରାୟ।
ସବୁ କିଛି
କବାଟ ଝର୍କା ନ ଥିବା ଘର
କରୁଛି ଟାହି ଟାପରା।
କଣ ଅଛି କଣ ନ ଅଛି
କିଏ ଆଉ ପରଖୁଛି
ପରଖୁ ପରଖୁ ନିଜେଇ
ଯାଉଛି ହଜି।

ଭୁଲି ହୋଇ ଯାଉଛି
ପ୍ରାୟ ସବୁ କିଛି।
କୋଉଠି ଜନ୍ମ ଜାତକ
କୋଉଠି ଘାତକ
ହେଜୁ ହେଜୁ ସବୁ
ମୁଣ୍ଡ କରୁ ନି କାମ।
କିଏ କୋଉଠୁ ପୁଣି
କେମିତି ଡାକିଲାଣି
ଆରେ ହେ ରାମ
କଣ କିଛି ହିସାବ କିତାବ ନାଇଁ!

ଯାହା ତ ଡେରି ହେଲାଣି,
ତେଣିକି ଉପରେ ପଡି
ବର୍ଷା ମେଘ ଘଡଘଡି ବିଜୁଳି,
କାହାର କଣ ଆସିବାର ଅଛି କି!
କେଜାଣି!
ଆସିଲେ ବି କଣଟା ଆଉ
କରି ପକେଇବ କି କିଏ!
କେତେଥର କୋଉକାଳୁ
କଣ ହେଉ ନି ଆସିବା ଯିବା!

କାମ କରୁ ନି କିଛି
ଭାବି ହେଉ ନି କିଛି।
ଚୁପ୍ ଚାପ୍ ସେଇ ଚଢେଇଟା ବି
ବସା ବାନ୍ଧି ରହିଛି ସେଠି।
ଆୟବ୍ୟୟ ଖାତାକୁ
ମାର୍ ଗୁଲି କହୁଛି
ଝଲକାଏ ପବନ ଏଠି।

ତପୋବନ,ଟିଟିଲାଗଡ,ବଲାଙ୍ଗିର
6/10/2019