ମାଏଲା ଜଡ
ଭୁରି ଭୁରି ବର୍ଷାରେ
ଯାଉଛି କେଉଁଆଡେ!
ଏ ବର୍ଷା, ନୁହେଁ ପାଣିର,
ଏ ବର୍ଷା, ଡହ ଡହ ଖରାର।
ଆଉ ଆମେ ସବୁ
ତତଲା ତାୱା ଉପରେ।
କାହାକୁ କିଏ
କରୁଛି କଣ, କହୁଛି କଣ!
ପଚାରି ବୁଝିଲାବେଳକୁ
ରାତିଦିନ ଏକାକାର।
ପଂଚବଟିରେ ଚାଲିଛି
କେମିତି କଣ?
ହେବ ନି ଜାଣି
ନ ଚହଟିଲାଯାଏ ବାସ୍ନା।
ବାଃରେ ଛୁଆ,
ଏତେ ଗହକି ତୋଠି!
ହର୍ମିଶା ହେବ ନି
ନଜରଅନ୍ଦାଜ କରି
କାହାକୁ କୋଉଠି।
ଅନ୍ଧାର ହେଲେ ବି
ଯେତେ ଗାଢ
ଦିକ୍ ଦିକ୍ ଆଲୁଅ ଥାଏ
ତାରି ଭିତରେ।
ସେଇ ଆଲୁଅରେ
ଥାଏ କିଏ ଆଉ
ତୁମ ନିଜ ଛଡା?
ସେଇଠି ଖରା
ସେଇଠି ବର୍ଷା
ଆଉ ତୁମେ
ଧୂମ୍ ରେ ମସଗୁଲ
ସମୟ ସହିତ,
ଭେଳିକି ଯଦିଓ
ଏଇ ସମୟ।
ନା ବର୍ଷାରେ
ନା ଖରାରେ
କୋଉଠି ବି
ନ ଥାଏ
କାହାରି ପରିଚୟ।
This poem has not been translated into any other language yet.
I would like to translate this poem
ଅନ୍ଧାର ହେଲେ ବି ଯେତେ ଗାଢ ଦିକ୍ ଦିକ୍ ଆଲୁଅ ଥାଏ ତାରି ଭିତରେ। Light is there also in deep dark