ଆଉ ତୁମେ And You Poem by Gajanan Mishra

ତୁମକୁ ଜାଣିଲାପରେ ଲାଗିଲା
ଆଉ କିଛି ମୋର ଜାଣିବାର ନାଇଁ।
ସତରେ କଣ ତୁମକୁ ଜାଣିଲି,
ଜାଣି ପାରିଲି? ?
ଆଉ ନାଇଁ ତ
ହୋ ହଲ୍ଲା ହଣାକଟାରେ
ସାରିଲି କିଆଁ ସମୟ!

ନା, କରି ନାଇଁ କେବେ
ତୁମକୁ ଜାଣିବାର ଚେଷ୍ଟା ବି।
ଦେଖି ନି କେବେ ଆଲୁଅର
ଖିଅଟିଏ ବି ଏଇଠି କି
ଆଉ କୋଉଠି ।
କି ଖୋଜି ନି ପ୍ରମାଣ
କିଏ ଲାଭ କଲା କି କଲା କ୍ଷତି!

କେତେ କେତେ ଗ୍ରହନକ୍ଷତ୍ର
କୋଉକୋଉଠି କେମିତି କେମିତି
ଚାଲବୁଲ କରୁଛନ୍ତି, କଣ ପାଇଁ
ଏତେସେତେ ପ୍ରତିଯୋଗିତାରେ
ଧଇଁସଇଁ କେହି ପଚାରିବାକୁ ନାଇଁ!
ପବନ ଆଉ ପାଣିର ଖେଳରେ
ସରେ ନା କିଛି କହିବାକୁ
ଆସିଛି ଧାଇଁ। ଆଉ ତୁମେ
କଣ କିଛି ପାରୁଛ ଜାଣି?