ଉତ୍ତରanswer Poem by Gajanan Mishra

ଉତ୍ତର
ଗଜାନନ ମିଶ୍ର

ଭାବ ନି
ମୁ ନାହିଁ।
ଅଛି, ଅଛି,
ଅବଶ୍ୟ ନାହିଁ ଲିପ୍ତ।
ଧରି ରଖିଛି କିନ୍ତୁ
ସମସ୍ତ ଜଗତ।

କୁହ ନି
ନାହିଁ ହସ୍ତ
ନାହିଁ ପଦ।
ଦେଖ,
ଯାଉଛି ଆଉଛି
ଇଚ୍ଛାମୁତାବକ,
ଆଉ ଲେଖି ଲେଖି
ଯାଉଛି ଲେଖି
ସମସ୍ତ ଚରିତ।

ମୁଁ ହିଁ ତ
ଅଛି ଏକମାତ୍ର,
ରଖିଛି ଧରି
ସକଳ କ୍ଷେତ୍ର।
ରଖି ନି ଭେଦାଭେଦ,
ନାହିଁ କିଛି
କୋଉଠି ପ୍ରଭେଦ।

ପ୍ରଶ୍ନ ନାହିଁ କୋଉଠି
କିଛି ହେବାର ସମାପତ।

ଲେଖି କବିତା
ଭଣି ଗୀତ
ନଚାଇ ଭୂତ
ଦେଉଛି ଦେଖାଇ
ସବୁର ପ୍ରକୃତ ଅର୍ଥ।

ଅଲଗା କର ନି
ତୁମଠୁ ମତେ।
ଥିଲେ ତୁମେ
ଅଛି ମୁଁ।
ନ ଥିଲେ ତୁମେ
ମୁଁ ନାହିଁ
ଏମିତି ନୁହଁ ଯଦିଓ।

କେତେ ମୁଁ ବାସ୍ତବ
କେତେ ବିସ୍ତାର
ମତେ ହିଁ ପଚାର
ଶୁଣିବାକୁ ଖାଲି
ଯୋଉଠି ଅଛ
ଥିବା କଥା ତୁମେ
ମୋ ଉତ୍ତର।

ତପୋବନ, ଟିଟିଲାଗଡ, ବଲାଙ୍ଗିର
3/10/2018