Eh amna here tae tak yir caa:
Eh'm mebbe aff at thi fitbaa,
Eh mebbe amna here at aa
but jist a figment o yir filo
conjerrt up wance oan a while-o.
Therr's mebbe tatties oan thi bile-o;
Eh'm mebbe haein a wee bit greet
owre an ingin or ma sweet-
hert: or Eh'm bleedan i thi street
wi ma heid kickd in fur bein sae deep.
Eh'm mebbe here but fast asleep:
sae laive a message at thi bleep.
This poem has not been translated into any other language yet.
I would like to translate this poem