Jan Nisar Akhtar

(14 February 1914 - 19 August 1976 / Madhya Pradesh / India)

Ashaar mere yuu.N to zamaane ke liye hai.n - Poem by Jan Nisar Akhtar

ashaar mere yuu.N to zamaane ke liye hai.n
kuchh sher faqat unako sunaane ke liye hai.n

ab ye bhii nahii.n Thiik ki har dard miTaa de.n
kuchh dard kaleje se lagaane ke liye hai.n

aa.Nkho.n me.n jo bhar loge to kaa.nTo.n se chubhe.nge
ye Khvaab to palako.n pe sajaane ke liye hai.n

dekhuu.N tere haatho.n ko to lagataa hai tere haath
ma.ndir me.n faqat diip jalaane ke liye hai.n

socho to ba.Dii chiiz hai tahaziib badan kii
varanaa to badan aag bujhaane ke liye hai.n

ye ilm kaa saudaa ye risaale ye kitaabe.n
ik shaKhs kii yaado.n ko bhulaane ke liye hai.n


Comments about Ashaar mere yuu.N to zamaane ke liye hai.n by Jan Nisar Akhtar

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Friday, April 13, 2012



[Report Error]