ଏତେବେଳେ ଏଠାରେ At This Time Here Poem by Gajanan Mishra

ବୈରାଗ୍ୟ ବିଷୟରେ
ଗଜାନନ ମିଶ୍ର

ବୈରାଗ୍ୟ କଣ ଗୋଟେ ମହାମାରୀ?
ଜଣା ନାଇଁ।
ପ୍ରତିକାର କରିବା କଣ ଦଣ୍ଡନୀୟ?
ଜଣା ନାଇଁ ।

ହଇଚଇ ଟିଭିରେ ଫେସବୁକ୍ ରେ
ଉଆଟସଫରେ।
ଆରେ ଅଛ କିଏ କୋଉଠି
ବଂଚାଅ ପାରୁଛ ଯଦି ।

ଘରୁ ପଦାକୁ
ଗୋଡ କାଢିବା ମନା।
ତୁଣ୍ଡି ବାନ୍ଧି ରହ
ଦିନ ତମାମ।

ଓଟରା ହେବ
କେତେବେଳେ କିଏ
ସଭିଙ୍କୁ ଅଜଣା।
ଯାଇ ପଚାର
ଅଛି ଆଉ କଣ ସବୁ
ଫିଟା ପେଡି ଭିତରେ ।

ନକେଦମ୍
ହେଲୁଣି ଆମେ
ଏତେବେଳେ ଏଠାରେ।
ତୁଚ୍ଛାକୁ ଗୋଡ
କଚାଡିଲୁଣି କେତେ!
ଆଉ ଯଦି କହିବ
ଆଉ ଥରେ
ପୋଡି ହେବୁ ନିଆଁରେ।
ଆଉ ଯଦି କହିବ
ବରଫ ପାହାଡକୁ
ଆଣି ରଖିଦେବୁ
ଏଇ ଅଗଣାରେ।

ଜମା ଚେଷ୍ଟା କର ନି
ଜାଣିବାକୁ ବୈରାଗ୍ୟ ବିଷୟରେ ।

ତପୋବନ, ଟିଟିଲାଗଡ,ବଲାଙ୍ଗୀର
14/04/2020