Kalimo Abednigo Pitso

Rookie - 218 Points (03/03/1984 / Maseru, Lesotho)

Athe 'na Ke Ua Mag? - Poem by Kalimo Abednigo Pitso

KE 'na ngoana letla lepepiloe
Ngoana ua ho hloka ntatae
Ngoana ua ho hloka labo Lesika
Lebaka ke hobane ke Moramang.

Ha ke bua ke hamela letanteng
Athe 'na ke ua mang bana'beso
Bo rangoane le bo malome ba 'nyemotsaka feela
Ke fetohile sekhaupane ua sebele
Lebaka ke hobane ke Moramang.

Le lokong ha ke hlahelle
Mafung ha ke ts'ele le mobu
Baholoane le likhaitseli ba nloants'a ka mantsoe
Ntate a nketsetsa sehl'oho ka bitsoa Mohanuoa
Lebaka ke hobane ke Moramang.

Athe 'na ke ua mang nthoana batho?
Mothoa sekoalloa ka ntle ho mokhoro
Lebitso lebe ke seromo ngoana batho
Kajeno bohle baa tseba!
Hore 'na ke 'na Moramang.

Athe 'na ke ua mang lichabeng
Marena haa 'nehe toka khotla
Maqheku a 'nyemotsaka ka paka tsa matlo
Balisana ba nfetotse ntetekeng nku ea balimo
Ho bohloko ho lahloa ke ntate.

Athe 'na ke ua mang 'm'e?
Ke ntja selahloa le boea
'M'e bua 'nete ke khaotsoe ho bitsoa Moramang
Ekaba ntate u kae 'm'e
Athe 'na ke ua mang nthoana batho?

**********

Topic(s) of this poem: sadness

Form: Panegyric


Poet's Notes about The Poem

Batsoali, khaotsang ho lahla bana ba lona, le etsetsa bana sehl'oho ka hore ba hloke batsoali ka bobeli

Comments about Athe 'na Ke Ua Mag? by Kalimo Abednigo Pitso

There is no comment submitted by members..

Maya Angelou

Caged Bird



Read this poem in other languages

This poem has not been translated into any other language yet.

I would like to translate this poem »

word flags


Poem Submitted: Tuesday, June 20, 2017



[Report Error]