Ameer Minai

(1826 - 13 October 1900 / Lucknow / Mughal India)

Bandaa navaaziyo.n pe Khudaa-e-kariim thaa - Poem by Ameer Minai

Bandaa navaaziyo.n pe Khudaa-e-kariim thaa
karataa na mai.n gunaah to gunaah-e-aziim thaa

baate.n bhii kii Khudaa ne dikhaayaa jamaal bhii
vallaah kyaa nasiib janaab-e-kaliim thaa

duniyaa kaa haal ahal-e-adam hai ye muKhtasar
ik do qadam kaa kuuchaa-e-ummid-o-biim thaa

karataa mai.n dard_mand tabiibo.n se kyaa rajuu
jis ne diyaa thaa dard ba.Daa vo hakiim thaa

samaa.N-e-ufv kyaa mai.n kahuu.N muKhtasar hai ye
bandaa gunaah_gaar thaa Khaaliq kariim thaa

jis din se mai.n chaman me.n huaa Khvaah-e-gul 'Ameer'
naam-e-sabaa kahii.n na nishaan-e-nasiim thaa


Comments about Bandaa navaaziyo.n pe Khudaa-e-kariim thaa by Ameer Minai

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Tuesday, April 24, 2012

Poem Edited: Tuesday, April 24, 2012


[Report Error]