Bantu Abadala Poem by Siphamandla Gumede

Bantu abadala

Ngifisa nazi ukuthi anginqabile mina ngyafisa ukwenza konke enikufunayo
Nami sengikhathele ukushayela izandla abaphumelelayo sengifuna ukuphila
Impilo ehambayo, kungihlukumeze kakhulu ukubona kufa konke engikuthintayo
Kuphupha konke engikuthengayo, bangishiya bonke abantu engibathandayo
Emhlabeni engekho umuntu ongisizayo, kwengikuzamayo kungekho okulungayo
Amasonto ngamasonto ngiwahambile bangihloniphile bangenza umuntu omkhulu
Ngizamile ukuba wumuntu othandazayo ukuthi kwesinye iskhathi umthandazo
Bunginqamukela ngingakawusho u Ameni noma ngizizwe ngibhoreka esontweni
Ngibone izinto ezisekusithekeni ngabantu abasesontweni abazenza ebumnyameni
Nami ke ngike ngacabanga ukuthi ngyahlanya enqondweni

Bantu abadala, kuhlungu ukubona wonke umuntu engizonda endaweni
Bathi ngizenza ngcono, noma ngingaqondi ke ukuthi kanjani ngoba ngibingelela
Wonke umuntu engihlangana naye endleleni, empeleni kusale kancane
Ngayithatha impilo yami ngahamba emhlabeni ngoba bengihlukumezekile enqondweni
Kungishaye kakhulu, ukuhlukunyezwa ngisho abantu bomndeni, umona ngokuncane
Kakhulu enginakho ovela ezihlotsheni empeleni besengizitshelile ukuthi ngizoba yinja
Impilo yami yonke emhlabeni, kodwa ngiyabona kumele ngibuyele eqinisweni

Ngifisa nazi iphutha, labadala mina angikaze nginqabe ukwenza umsebenzi wenu
Iqiniso angitshelwanga lona, okubuhlungu ke yikho ukuthi izinto zami azihlangani
Ngoba ngisembangweni, ngifisa ukulungisa konke okonakala ngaphambi kokuthi
Nihambe emhlabeni, ngyacela ningilekelele ngibuthaka kakhulu empilweni
Imali kimina iyafika impela kodwa ngigcina ngokuyibala ngingazi ukuthi ngiyenzeni
Ayihlali ephaketheni, ingakho noma ngiphethe malini angisabi nandaba nokuthi ngiphetheni
Ngoba sengiyazi ukuthi izophelela emoyeni, ohhhh sthunywa sami khuluma
Asambe emoyeni,

Ngibona isimo somuntu omdala lana ophethe Ukhamba olunezinzilo
Nezindwangu ezinezinsila zabantu bomndeni, ezihambelana
Nenhlabathi yasegcekeni uphethe Umkhonto ubheke ehlathini
Mangithi ngyabuza ukuthi kwenzakani kuthiwa uyena ophambanisa izinto
Emndenini ingakho imkhuleko yethu iphelela emoyeni ingafiki ethongweni
Sengiyaqonda ke manje ukuthi kungani ekhaya elikhulu baphumelele
Bangasisizi thina futhi bangasithathisi kwabanye abantu bomndeni

Bengizibuza ukuthi kungani odadewethu bangomabuya emendweni
Bengizibuza ukuthi ingani, sihlezi sixabana sodwa siwumndeni
Bengizibuza ukuthi kungani sihlezi singena ezinkingeni, buka nje kwanami
Ngicwile shi ezikweletini engingazi ngabe ngizenzelani ngoba anginalutho
Ephathekayo emhlabeni, bantu abadala ngilekeleleni ngifisa ukulungisa amaphutha enu enawenza
Nisaphila emhlabeni ngaphambi kokuthi kuphele iskhathi sami lapha emhlabeni

Ofisa ukuba wumngani nami 063 654 0962