ଖୋଖଲେ ଇନସାନ୍
ଗଜାନନ ମିଶ୍ର
ତୁଇ,
ତୁଇ ନେଇଁ ହ,
ନେଇଁ ହ ବଏଲେ
ଶୁନୁଛୁ ନେଇଁ,
ଖୋଖଲେ ଇନସାନ୍ ।
କାଣା ପାଏଲୁ,
କାଣା ପାଏବୁ ଆରୁ
ବୁଝୁଛୁ ନେଇଁ।
ଅନ୍ଧାହେଇକରି ଅଉଛୁ ଧେଇଁ,
ଏଇସା କରଦୁଙ୍ଗା
ଦେଖ୍ ଲୁଙ୍ଗା,
ହାୱା ଫିକୁଛୁ,
କାଣା ହେବା ଆଏବା ରାତି,
ଦେଖବୁ ଦେଖବୁ।
ମଦେ ଭାସୁଛୁ
ମାଏଝି ନଚଉଛୁ
ଫୁ ଫୁ କୁହୁଲା ଛାଡୁଛୁ
ମିଛମାୟାଥି ବାୟା ହଉଛୁ।
କେତେଲୁକକେ କେତେବେଲତକ୍
ଛାପକି ରଖିଥିବୁ,
ଦିନଦିହାଡି ଜନ୍ ଦେଖେଇ ଦେଖେଇ!
କାହିଁ କେନ
ରଚେକ୍ ଭି ଉଜାଲା ନେଇଁ,
କାହିଁ କେନ
ସତ୍ ନେଇଁ ପେରେମ ନେଇଁ,
ହର୍ମିଶା ମାରିଦେମି ପିଟିଦେମି
ଚୁଛେ ଚୁଛେ
ନିନ୍ଦା ବଦନାମ କରମି,
କେନ୍ତା ଜୀବନ ଯଉଛୁ ଜିଇଁ!
ଜିଉଛୁ କି ମରୁଛୁ
ହେଟା ଭି ତକେ ଜନା ନେଇଁ।
ଉଠି ପାରବାର ନେଇଁ,
ବସି ପାରବାର ନେଇଁ
ଗୁହେମୁତେ ସାନି ହେବାରଟା
ଛାଡବାର ନେଇଁ।
ଦୁଖର ବାତ୍
ତୁଇ ତୋର ଭି
ହେଇ ପାରବାର ନେଇଁ।
ତପୋବନ, ଟିଟିଲାଗଡ, ବଲାଙ୍ଗୀର
This poem has not been translated into any other language yet.
I would like to translate this poem
Life is full of sorrow, but we must enjoy the life.