ମିଛସତ ଉଭୟେ Both Truth False Poem by Gajanan Mishra

ଦୁଃସ୍ୱପ୍ନ
ଗଜାନନ ମିଶ୍ର

ଯାଅ ଭୁଲି
ଦୁଃସ୍ୱପ୍ନ ଭାବି
ଗତକାଲି।

ଗତକାଲି,
ଫେଣ୍ଟିଥିଲା ତାସ୍ ବହୁତ।
ଚିତ୍ ପଟ୍ ଉଭୟଥିରେ
ବାଜିମାତ୍ କରିବି ଭାବିଥିଲା।

ଜଣେ ମାରୁଥିଲା
ନିଆଁଚେଙ୍ଗ,
ଆଉଁସୁଥିଲା ଆଉଜଣେ
ନକଲି ବରଫରେ।

ହେତ୍ ଚେତ୍ ନ ଥିଲା
ମାୟାଜାଲ ଭିତରେ।
ଅଳସ ଭାଙ୍ଗି ନ ଥିଲା
ସୂର୍ଯ୍ୟର।

ମିଛସତ ଉଭୟେ
ଗୁନ୍ଦଲୁଥିଲେ ଅଧାରେ।
ଆଉ ରାଣ୍ଡୀ ଡାହାଣୀ
ମୋଡୁଥିଲା କଳ ନାଟକର
ପୋଡି ପୋଡି ନିଜ ଗୋଡକୁ
ନିଜ ଇର୍ଷାର ଚୂଲିରେ।

ସନ୍ଦେହର ବୀଜ
ଗଜୁରୁଥିଲା ଆଉ
ଯଦିଓ ଆକାଶ ହେଉଥିଲା
ସ୍ପଷ୍ଟ ସକାଳକୁ।

ତପୋବନ, ଟିଟିଲାଗଡ, ବଲାଙ୍ଗିର
21/6/2019