Corrupt Me If You Can... I No Dey! Poem by Samuel A. Eyitayo

I dey hear this noise everyday
Corrupt! Corrupt! ! Corruption! ! !
Everywhere I go
Na corrupt man, See am
Na corrupt woman, see am
Corrupt me if you can
I no dey

When I look around
I no dey see corruption
Where it dey
Or where I get am
Tell me how I go find am
I dey fex no be small
Corrupt me if you can
I no dey

Is it rossy cheeks I go dey look
Is it skinny flesh I go dey watch
I beg, stop this nonsense
Corrupt! Corrupt! Corruption! ! !
Whey am, Where I go found am
Corrupt me if you can
I no dey

Then, I met am
Thing dey plenty
Corrupt! Corrupt! ! Corruption! ! !
You no go see am with your eyes
Na your mind the thing dey
Corrupt me if you can
I no dey

Yes! Na mind the wayo dey
No camera fit snap am
Like HIV, the thing no dey show for face
Corrupt! Corrupt! ! Corruption! ! !
We dey see you now now
Corrupt me if you can
I no dey

He go catch you red handed
If your mind dey greedy
He go soak you up with pains
When your body is in the net
Stand up and confess with me
Corrupt me if you can
I no dey