आं मानो जेन्नो Poem by Daimasha Brahma ?????? ??????

अख्राङानो आंनो फोरोंदों—
माब्लाबा समाव निला गाबखौ
दाखा जोमैफोरा खोबथेयो
नाथाय निला गाबा नुजाफिनो।

आं मानो जेन्नायखौ गनायनो?
दैमा दैसाफोरानो आंनो दिन्थिदों—
गोथों लामाजोंल' बोहैनाया
जेब्लाबो थांखि सहैनायनि थांखि जानो हाया,
बेयो समावबा हाजोखौ सौसियो
एखनब्ला दिग सोलायो
नाथाय बोहैनायखौ माब्लाबाबो एंगारा।

माबोरै आं एसेबां गोरलैयै गनायनो
गावखौनो जेनबाय होन्नानै?
मिथिंगानि सोलायनाय महरा दिन्थियो
बायनाय बिफां, रान्नाय हाग्रा आरो सिरिनाय बिलाइ
बेफोरोदि गोदान जोनोम आरो खिलिनि इंगिदसो।

आंबो जेन्नायखौ माबोरै गनायनो?
बुहुमनि गेजेराव ओंखारग्रा साना
हरनि खोमसिखौ नेनांगौ जायो
फिन बुहुमाव सोरां बिलायनो थाखाय।