ଚହଟଚିକ୍କଣ ଦିନ Dazzling Days Poem by Gajanan Mishra

ପାନ
ଗଜାନନ ମିଶ୍ର

ପାଶୋରି ନାଇଁ
ତୁମ ଦିଆ ପାନ
ଗଜାମୁଗ ଧନ,
ପାଶୋରି ନାଇଁ।

ଆଉ ଆଉ ଦେଖିବାକୁ
ମନ, ତୁମ ଡହକବିକଳ
ମୁହଁ, କେମିତି ବଳେ ପଶି
କଳେ କରେ ସ୍ନାନ।

ପାଶୋରି ନାଇଁ
ତୁମ ହସ ପ୍ରଥମ ପ୍ରଥମ,
ପାଶୋରି ନାଇଁ
ଚହଟଚିକ୍କଣ ଦିନ।

ତୁମ ଗମନ ଶୟନ
ଭୋଜନ ବାରମ୍ୱାର
ଆସୁଛି ସପନ ସବୁ ସବୁ
ଆନନ୍ଦପୂର୍ଣ୍ଣ ।

ପାଶୋରି ନାଇଁ,
ପାଶୋରି ନାଇଁ
କାରୁକାର୍ଯ୍ଯ ସେବା
ସବୁ ସ୍ୱାର୍ଥବିହୀନ।

ସହିସଲାମତ ଜୀବନ
ସର୍ବତ୍ର ଶାନ୍ତି ସହାବସ୍ଥାନ,
ଆସ୍ଥା ବିଶ୍ୱାସର
ଅପୂର୍ବ ମିଳନ।

ତପୋବନ, ଟିଟିଲାଗଡ, ବଲାଙ୍ଗିର
2/7/2019