Hasrat Mohani

(1 January 1875 - 13 May 1951 / Mohan, Unnao / British India)

Dekhanaa bhii to u.nhe.n duur se dekhaa karanaa - Poem by Hasrat Mohani

Dekhanaa bhii to u.nhe.n duur se dekhaa karanaa
shevaa-e-ishq nahii.n husn ko rusavaa karanaa

ik nazar hii terii kaafii thii ki ai raahat-e-jaan
kuchh bhii dushvaar na thaa mujh ko shakebaa karanaa


un ko yaa.N vaade pe aa lene de ai abr-e-bahaar
jis tarah chaahanaa phir baad me.n barasaa karanaa

shaam ho yaa ki sahar yaad unhii.n kii rakh le
din ho yaa raat hame.n zikr unhii.n kaa karanaa

kuchh samajh me.n nahii.n aataa ki ye kyaa hai 'Hasrat'
un se milakar bhii na izhaar-e-tamannaa karanaa


Comments about Dekhanaa bhii to u.nhe.n duur se dekhaa karanaa by Hasrat Mohani

There is no comment submitted by members..



Read this poem in other languages

This poem has not been translated into any other language yet.

I would like to translate this poem »

word flags

What do you think this poem is about?



Poem Submitted: Wednesday, April 18, 2012

Poem Edited: Wednesday, April 18, 2012


[Report Error]